Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 48-1} ām iḻi aṇi malai alar vēṅkai takai pōla
• {KALI 48-2} tē mūcu naṉai kavuḷ ticai kāval koḷaṟku otta
• {KALI 48-3} vāy nillā vali muṉpiṉ vaṇṭu ūtu pukar mukam
• {KALI 48-4} paṭu maḻai aṭukkatta mā vicumpu ōṅkiya
• {KALI 48-5} kaṭi mara turuttiya kamaḻ kaṭām tikaḻtarum
• {KALI 48-6} perum kaḷiṟṟu iṉattoṭu vīṅku eruttu eṟuḻ muṉpiṉ
• {KALI 48-7} irum puli mayakkuṟṟa ikal malai nal nāṭa
• {KALI 48-8} vīḻ peyal kaṅkuliṉ viḷi ōrtta oṭukkattāl
• {KALI 48-9} vāḻum nāḷ ciṟantavaḷ varuntu tōḷ tavaṟu uṇṭu ō
• {KALI 48-10} tāḻ ceṟi kaṭum kāppiṉ tāy muṉṉar niṉ cāral
• {KALI 48-11} ūḻuṟu kōṭal pōl el vaḷai ukupa āl
• {KALI 48-12} iṉai iruḷ itu eṉa ēṅki niṉ varal nacaii
• {KALI 48-13} niṉai tuyar uḻappavaḷ pāṭu il kaṇ paḻi uṇṭu ō
• {KALI 48-14} iṉaiyaḷ eṉṟu eṭuttu araṟṟum ayal muṉṉar niṉ cuṉai
• {KALI 48-15} kaṉai peyal nīlam pōl kaṇ paṉi kaluḻpa āl
• {KALI 48-16} pal nāḷ um paṭar aṭa pacalaiyāl uṇappaṭṭāḷ
• {KALI 48-17} poṉ urai maṇi aṉṉa māmai kaṇ paḻi uṇṭu ō
• {KALI 48-18} iṉ nurai cetumpu araṟṟum cevvi uḷ niṉ cōlai
• {KALI 48-19} miṉ uku taḷir aṉṉa melivu vantu uraippatu āl
• {KALI 48-20} eṉa āṅku
• {KALI 48-21} piṉ ītal vēṇṭum nī pirintōḷ naṭpu eṉa nīvi
• {KALI 48-22} pūm kaṇ paṭutal um añcuval tāṅkiya
• {KALI 48-23} arum tuyar avalam tūkkiṉ
• {KALI 48-24} maruṅku aṟivārā malaiyiṉum peritu ē